Хакерски напад на иранска телевизија, десет секунди повици на убиство на врховниот лидер

Слики на дисидент во егзил од движењето Народни муџахедини на Иран биле прикажани на каналите на иранската државна телевизија која инцидентот го окарактеризира како хакерски напад.

EPA-EFE

Во програмата во 15:00 по локално време ненадејно била емитувана слика на Масуд Раџиви и неговата сопруга Марјам, а машки глас изговорил: „Поздрав до Раџиви, смрт за (врховниот лидер на Иран ајатолахот Али) Хамнеи“.

Потоа преку слики бил пуштен говор на Раџави. Тој не се појавил во јавност повеќе од две децении и се верува дека е мртов, а движењето го предводи Марјам.

Народните муџахедини на Иран, чии членови сега главно се наоѓаат во Албанија, не се огласија по овој повод.

Ваков инцидент не се случил со години, а се верува дека телевизијата ја контролираат припадници на разузнавачката агенција на Иран и на Револуционерната гарда.

Иранската телевизија соопшти дека се случил хакерски напад и дека истрагата е во тек.

Движењето е формирано како социјалистичка организација против владеењето на шахот Мохамед Реза Пахлави.

Тие извршиле повеќе атентати и бомбашки напади во Иран.

Подоцна пребегаа во Ирак и го поддржаа Садам Хусеин во војната против Иран во осумдесеттите години од минатиот век. Поради тоа ја загубија поддршката од многумина во Иран, иако и понатаму одржуваат мрежа во таа земја.

Легенда под Главна слика

EPA-EFE

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе