Либија

Хафтаровите сили на 11 км од Триполи: се слушаат истрели (ВИДЕО)

Силите на опозициската Либиска национална армија на Калифа Хафтар се наоѓаат на околу 11 км од центарот на Триполи, забарикадирани со челични контејнери, со митралези.

Жителите на Триполи велат дека слушаат повремени престрелки на периферијата на градот, додека над него прелетуваат авиони.

Обединетите нации објавија дека моментално има околу 4.500 раселени поради конфликтот во Либија.

Болниците во Триполи и околината пријавиле дека во борбите во главниот град на Либија загинале 47 лица, а 181 се повредени, соопшти вчера Светската здравствена организација.

Портпаролот на СЗО, Тарик Јашаревиќ, рече дека повеќето од жртвите биле борци од двете завојувани страни, но дека меѓу нив има и лекари и други цивили, пренесе Ројтерс.

Од СЗО предупредуваат дека новата ескалација на конфликтот во Либија може да доведе до недостиг од медицински материјали.

Во Либија од минатата недела се обновени судирите кога Либиската национална армија предводена од Калифа Хафтар од истокот тргна во освојување на западниот дел на земјата и градот Триполи, каде што контролата ја има меѓународно признаената влада на чело со Фаез Сарај.

Сарај му возврати на „новиот Гадафи“, како што Хафтар го нарекуваат неговите противници, со Операцијата „Вулкан на гневот“, за да го одбранат главниот град на Либија.

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе