Гувернерот на Њујорк нема да отстапи по обвинувањата за сексуално вознемирување

Гувернерот на Њујорк Ендрју Куомо кажа дека нема да се повлече од должноста по обвинувањата за сексуално вознемирување млади жени, а наместо тоа повторно се извини и најави „целосна соработка“ со главната обвинителка на таа сојузна држава.

EPA-EFE

„Нема да дадам оставка“, истакна демократот Куомо на конференција за медиумите, откако се извини за своето однесување поради кое „на луѓето им било непријатно“.

„Се чувствувам ужасно поради тоа и, искрено, срам ми е“, кажа гувернерот на Њујорк кој во изминатите недели е мета на многу обвинувања, вклучувајќи го тоа дека неговата администрација се обидела да го намали вистинскиот број на умрени од ковид-19 во тамошните домови за стари и изнемоштени.

Во средата кажа дека неговото однесување, поради кое е обвинет за сексуално вознемирување, било ненамерно. Куомо тврди дека никогаш никого не допирал непримерно, но додаде дека нему му е „вообичаено да ги бакнува и прегрнува луѓето при средби“.

Во Њујорк од почетокот на пандемијата во пензионерските домови умреле повеќе од 15 илјади луѓе, а здравствената агенција на таа сојузна држава до крајот на јануари објави само за 8,5 илјади.

Куомо на крајот на минатата година поради своите дневни обраќања за ситуацијата со коронавирусот кон крајот на февруари призна дека имало „доцнење“ во објавувањето на податоците и го нарече тоа грешка.

Легенда под Главна слика

EPA-EFE

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе