Мадрид

Гутереш: „Светот има избор, да се бори или да се предаде“ (ВИДЕО)

Во Мадрид започна климатскиот самит на ООН, при што генералниот секретар на светската организација Антонио Гутереш порача дека светот има избор - да се бори или да се предаде.

Гутереш ги повика земјите да решат дали „навистина сакаат да бидат запаметени како генерација што ги заби главите во песок, преправајќи се дека ништо не се случува додека планетата гори?“ пренесе АП. Тој предупреди дека стакленичките гасови достигнале рекордно ниво.

„Влијанието врз целокупниот живот на земјата, вклучително и нашиот, ќе биде катастрофално“, освен ако не се стори нешто по тоа прашање, истакна Гутереш.

На двонеделниот климатски самит „КОП25“ во Мадрид се собраа претставници од речиси 200 земји.

Воочи почетокот на конференцијата, Гутереш посочи дека досегашните напори не се доволни за да се надмине „точката без враќање“ во однос на климатските промени. „Недостасува политичка волја“, рече Гутереш пред новинарите.

На собраните на конференцијата им се обрати и шпанскиот премиер Педро Санчез, истакнувајќи дека има само „мал број фанатици кои ги негираат доказите“ за климатските промени.

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе