Гуаидо ја повика ЕУ да изврши притисок врз Мадуро. Откри дека тајно се сретнал со војската

Самопрогласениот претседател на Венецуела Хуан Гуаидо рече дека се одржани тајни состаноци на лидерите на опозицијата и претставниците на вооружените сили бидејќи војската е „клучна“ за претседателот Николас Мадуро да се собори од власт.

„Транзицијата ќе бара поддршка од клучните воени контингенти. Одржавме тајни средби со претставници на вооружените сили и безбедносните сили. Им понудивме помилување на сите оние кои нема да бидат виновни за злосторства против човештвото“, напиша Гуаидо во текст објавен од страна на Њујорк тајмс.

„Повлекувањето на воената поддршка за Мадуро е од клучно значење да се овозможи промена во владата“, додаде Гуаидо.

Самопрогласениот претседател Гуаидо, исто така, од Европската унија побара да изврши притисок врз Мадуро.

„Му реков, која е твојата порака до мене и другите министри за надворешни работи?“, рече министерот за надворешни работи на Велика Британија, Џереми Хант како што пренесе Ројтерс.

„Рече две работи: продолжете да вршите притисок врз Мадуро кој направи толку многу штета, и запамтете дека ова е поради хуманитарна катастрофа што се случува во моментов“, додаде Хант.

Хуан Гуаидо, самопрогласен привремен претседател, е поддржан од САД, Канада, повеќето земји од Латинска Америка и Европската унија, а актуелниот претседател Мадуро е поддржан од Русија, Кина, Турција, Иран, Куба, Боливија и Мексико.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе