ФИЛИПИНИ

Групата за човекови права ја осуди заканата на претседателот Дутерте дека ќе ги убие

„Ако ја попречуваат правдата, ќе пукате во нив", им кажа Родриго Дутерте на полицајците за активистите кои се спротивставуваат на неговата нарко-војна.

Хјуман рајтс воч го осуди повикот на претседателот на Филипините, Родриго Дутерте, до полицијата да пука на активистите за права кои се на патот на неговата крвава нарко-војна, пренесе Гардијан.

Дутерте треба веднаш да ја повлече својата изјава или да биде испитан за евентуалното поттикнување на насилство против адвокатите по право во Филипините, јави адвокатската група со седиште во Њујорк.

Фелим Кине заменик-директорот на Хјуман рајтс воч, дивизија Азија, рече дека заканата „е како да нацртате мета на грбот на храбрите луѓе кои работат за заштита на правата и за почитување на достоинството на сите Филипинци“.

Дутерте „треба веднаш да ги повлече своите неправедни забелешки пред да има уште повеќе крв на своите раце“, додаде тој.

Зборувајќи по најкрвавата вечер од својот едногодишен мандат на високата функција, Дутерте рече дека ќе ги испита бранителите на човековите права што го критикувале, или ќе им нареди на полицајците да ги убијат.

„Еден ден, вас групите за човекови права, исто така ќе ве истражам. Тоа е вистината. За заговор“, рече Дутерте.

„Ако ја попречуваат правдата, ќе пукате во нив “, рече тој. „За навистина да можат да видат какви се човековите права.“

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе

Во САД и во многу европски земји, просечните плати стагнираат, и покрај тоа што многу од економиите закрепнаа од финансиската криза од 2008 година.

повеќе