На собирот присуствуваа околу 15.000 луѓе

Грета Тунберг ги предупреди светските лидери на климатскиот протест во Лозана (ВИДЕО)

Активистката за животна средина Грета Тунберг учествуваше денес на климатскиот собир во Лозана, Швајцарија, неколку дена пред да присуствува на Светскиот економски форум во Давос.

Опкружена од илјадници млади луѓе, 17-годишната активистка се движеше по улиците на Лозана зад транспарентот „Да го промениме системот. Не климата“.

„Досега во текот на оваа деценија не видовме никаков знак за вистинска климатска акција“, рече 17-годишната еко-воинка пред претежно тинејџерската публика, пренесе АФП.

„Тоа мора да се промени“, рече таа, додавајќи порака до светските лидери: „Ова е само почеток. Сè уште не сте виделе ништо. Ве уверуваме во тоа!“

На собирот против глобалното затоплување се собраа околу 15.000 луѓе, соопшти женевскиот Штрајк за клима.

Грета Тунберг следната недела треба да отпатува на Светскиот економски форум во Давос.

Не е познато дали младата активистка во Давос ќе се сретне со американскиот претседател Доналд Трамп, со кого имаат остра преписка на Твитер.

Трамп најави дека на собирот на кој ќе присуствува политичката и економската елита треба да пристигне на 21 јануари.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе