Грета Тунберг до американскиот Конгрес: Не е време за соништа. Разбудете се (ВИДЕО)

Шведската тинејџерка Грета Тунберг, која го почна глобалното движење за климата, им испрати силна порака на американските пратеници и им порача „да се разбудат“.

Привршувајќи ја својата шестдневна посета на Вашингтон, 16-годишната Тунберг ги собра демократските пратеници и активисти и ги повика да ги следат научните предупредувања и да протуркаат силни мерки во борбата против климатските промени.

„Не е ни време ни место за соништа. Време е за будење“, кажа Тунберг.

Тунберг мина ден во Конгресот, а на патот кон американскиот врховен суд им се придружи на млади американски активисти кои привлекуваа внимание пред утрешниот климатски протест.

„Не сакам да ме слушате мене, туку научниците“, порача тинејџерката.

Тунберг, која го почна движењето „Петок за иднината“ со кое се бараат владини акции во борбата против климатските промени, го изложи извештајот на Меѓувладиниот панел за климатските промени од 2018 и повика на брзи и невидени промени во начинот на животот на луѓето за да се спречи пораст на температурата од 1,5 Целзиусови степени до 2030 година.

„Луѓето не се свесни колку е кризата сериозна“, кажа Тунберг. Ги повика пратениците да се „обединат зад науката“ и порача дека луѓето треба климатската криза да ја третираат како „егзистенцијална криза“.

Граѓаните и општата јавност исто така се важен штит за укажувачите.

повеќе

Вчера оправдано доминираше веста дека „Макрон ќе поддржи преговори за Македонија и Албанија ако ЕК препорача во март“.

повеќе

Албанија мора отворено да каже, дека обидите на Софија за асимилација на Македонците во Албанија како Бугари не се добрососедство, туку отворен напад.

повеќе