Сатира

Гренланд има контрапонуда до Трамп: тие да ги купат САД

Претседателот на Соединетите Држави сака да ја купи арктичката нација кај Данска и разговарал за ова прашање со „различни степени на сериозност“, пишува Боровиц репорт, сатиричната колумна на Њујоркер.

Но данската влада на таа вест возврати со интригантна контрапонуда. Повторувајќи го ставот дека Гренланд не е на продажба, портпаролот на владата пред новинарите во петокот рече: „Сепак, забележавме дека за време на режимот на Трамп, речиси сè во Соединетите Држави, вклучувајќи ја и нивната влада, дефинитивно е на продажба.“

„Данска би била заинтересирана да ги купи САД во целост, со исклучок на нивната влада“, додаде тој, вели Њујоркер. Русија и Северна Кореја беа прогласени за две можни земји во кои би се преместил претседателот.

Премиерот на Гренланд Ким Килсон очигледно се согласува со ова, потсетувајќи ги локалните новинари дека еден Викинг - Леиф Ериксон - ја открил Северна Америка пред Колумбо. Таткото на Ериксон, Ерик Црвениот, бил тој што го населил Гренланд.

„Затоа, сосема е природно ние да си ги вратиме Соединетите Држави“, рече тој.

 

Дали Гренланд има легитимно право на Соединетите Држави?

Пред Колумбо да стапне во Америка, континентот бил подложен на неколку бранови на имиграција - популација од она што сега го нарекуваме Кина и Сибир, кои почнале пред 16.000 години. И додека самиот Колумбо никогаш не стапнал во Северна Америка, тоа го сторил еден Европеец, околу 5.000 години пред Санта Марија (или Ла Галега) да го напушти шпанското пристаниште. Тоа бил Нордиецот Леиф Ериксон. (Постојат и гласини за ирски монаси што го преминале Атлантикот кон Новиот свет, но ова допрва треба да се докаже со цврсти археолошки докази.)

Патувањето на Ериксон, пак, е прифатено од повеќето историски научници. Во 1960 година, археолозите откриле остатоци од античка нордиска населба што датира од 10 век, потврдувајќи ги приказните раскажувани во исландските саги за место наречено „Винленд“ во она што сега е Канада. Иако се чини дека тие се населиле таму, новата „американска“ заедница била краткотрајна.

Лошите односи со соседните домородноамерикански племиња, кои не ги сакале натрапниците (особено откако овие убиле 10 домородни Американци што спиеле под превртени кануа), ги натерале Викинзите да ги прекинат своите загуби и да се вратат во Скандинавија. Тие подоцна се вратиле во Северна Америка, иако строго за трговски цели.

Па, дали ова значи дека Гренланд полага цврсто право на САД? Веројатно не, но и тактиката на подоцнежните Европејци „нападни и освој“ е подеднакво сомнителна. Како и да е, ако САД решат да ја прифатат понудата на Данска, нејзината влада вети широка реформа на образовните и здравствените системи.

„Веруваме дека ако им го дадеме на САД нашиот образовен систем и национална здравствена заштита, тие ќе можат од огромна копнена маса да се претворат во голема нација“, додаде данскиот портпарол.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе