Висока делегација на САД на Косово

Гренел: Посетата на Приштина е доказ на посветеноста на остварувањето на договорот

Специјалниот претставник на претседателот на САД за дијалогот на Србија и Косово Ричард Гренел изјави вечерва во Приштина дека посетата на високата делагација на неговата земја на Косово е доказ за посветеноста на остварувањето на договорот од Вашингтон.

EPA-EFE

„Дојдовме да ја докажеме посветеноста на договорот за економска нормализација. Знаеме дека во минатото многу му се ветуваше на Косово и сакаме да се заложиме примената на договорот да продолжи“, кажа тој по состанокот со премиерот на Косово Авдулах Хоти.

Истакна дека администрацијата на претседателот Доналд Трамп не сака празни зборови.

„Сакаме да му покажеме на народот на Косово, кој е наш сојузник, дека сме со вас. Сакаме да помогнеме во отворањето работни места за да ги надминеме старите политички прашања“, кажа Гренел.

Косовскиот премиер Авдулах Хоти оцени дека посетата на американската делегација на Косово ја открива „одлучноста и сериозноста на Трамп и сите негови соработници за остварување на договорот“.

Хоти кажа дека на состанокот опширно било разговарано за сите точки на договорот.

„Чест ми е да кажеме дека брзо ќе тргнеме во спроведување на овој договор. Создаден е нов елан“, кажа Хоти.

Извршниот директор на Американската корпорација за финансирање на меѓународниот развој Адам Белер кажа дека со оваа посета ја покажуваат својата сериозност кон потенцијалните инвестиции и дека им пружаат поддршка на пријателите на Косово.

Легенда под Главна слика

EPA-EFE

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе