Грција воведува задолжителна вакцинација за лица над 60 години, ќе ги казнува оние кои ќе одбијат

Грција денеска објави дека воведува задолжителна вакцинација против коронавирус за лицата постари од 60 години, што е драстичен чекор во борбата на земјата со сè поголемиот број заразени лица.

EPA-EFE/ORESTIS PANAGIOTOU

Властите најавија дека ќе наплаќаат казна од 100 евра за секое лице на возраст од 60 и повеќе години кое нема да се вакцинира, и така секој месец. Мерката ќе почне да се применува од 16 јануари. Околу 63 отсто од околу 11 милиони жители се целосно вакцинирани, а закажувањето термини за вакцинација е забрзано во изминативе недели.

„Ги насочуваме нашите напори да ги заштитиме нашите сограѓани и затоа нивната вакцинација отсега ќе биде задолжителна“, изјави грчкиот премиер Киријакос Мицотакис на владина седница.

„Грците над 60 години кои не се вакцинирани мора да закажат термин за првата доза до 16 јануари или ќе се соочат со парична казна од 100 евра секој месец“, додаде Мицотакис.

Грција се бори со пораст на заразените овој месец, при што дневниот број на нови случаи достигнува рекорди. Земјата од почетокот на пандемијата потврдила 931.183 случаи на инфекција и 18.067 мртви.

Во Грција, на невакцинираните лица од ноември им е забранет влез во затворени простори, вклучувајќи ресторани, кина, музеи и теретани. Не им се признава негативен тест за коронавирус.

Легенда под Главна слика

EPA-EFE/ORESTIS PANAGIOTOU

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе