И покрај критиките

Грција со спорен закон го заостри ставот кон барателите на азил

Грчкото собрание и покрај критиките од Советот на Европа, Амнести интернешнал и други невладини организации, денес по ноќната дебата го изгласа спорниот закон за заострување на процедурата за одобрување азил.

Соочена со растечкиот број емигранти и бегалци, десничарската влада на премиерот Киријакос Мицотакис, која е на власт од јули, најави претходно дека ќе ја заостри процедурата.

Мицотакис кажа во собранието дека со тој закон владата сака да „направи разлика меѓу бегалците и емигрантите“ кои, „знаејќи дека не можат да добијат азил, ако сепак тргнат на пат за да останат во нашата земја, ќе бидат вратени во своите земји и ќе ги изгубат парите вложени во патувањето“.

Со новиот закон се намалуваат можностите за жалба на одбиеното барање за азил, а се продолжува можното принудно задржување на барателите на азил, се ограничува концептот на „ранливост“ (како што е клаузулата за пост-травматски стрес) кој го олеснува давањето азил. Со закон се проширува списокот на „безбедни земји“ каде емигрантите можат да бидат протерани.

Сето ова невладините организации претходно го осудија.

Сегашната влада се залага за засилување на граничната контрола за да се гарантира „безбедноста“ на Грција, истовремено обвинувајќи ја поранешната левичарска влада на Алексис Ципрас за „попустливост“.

Советот на Европа кажа во четвртокот дека е особено загрижен поради одредени одредби од новиот закон.

Комесарката на Советот на Европа за човекови права, Дуња Мијатовиќ, предупреди особено на продолжувањето на траењето на принудното задржување на барателите на азил и го подвлече ризикот од „површната“ проценка на заснованоста на барањата за азил поднесени во Грција, што би ги загрозило правата на емигрантите и бегалците.

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе