Грција планира порано да почне со ковид-пасошите за да ја спаси сезоната

За да привлече туристи и да спречи втора сезона по ред да стагнира туристичкиот сектор, Грција е спремна да користи ковид-пасоши пред ЕУ на 1 јули официјално да ги пушти во употреба.

EPA-EFE

Минатата недела Советот на Европа и Европскиот парламент се согласија околу користењето на ковид-пасошите, односно дигиталните зелени пропусници, и се очекува Европскиот парламент на пленарна седница во втората недела на јуни да усвои закон за нивно користење, кое треба да почне на 1 јули.

Повеќе од 10 земји на ЕУ, вклучувајќи ги Франција и Шпанија, се сложија да го тестираат системот на ковид-пасошите пред неговото придвижување.

Грција меѓу првите заговараше користење ковид-пасоши за да ги намали ограничувањата на патувањата и туристичкиот сектор конечно да заживее и да помогне во извлекувањето на земјата од кризата.

„Грција е спремна да почне со користење на дигиталните сертификати и пред 1 јули“, кажа грчкиот премиер Киријакос Мицотакис на претставувањето на ковид-пасошите денес и ги повика државите членки да ги почитуваат роковите и да ги олеснат патувањата во претстојната летна сезона.

Ковид-пасошите ќе бидат во форма на кју-ар код, на паметен телефон или на документ, со помош на кој службите едноставно ќе можат да го утврдат статусот на лицето. Ковид-пасошот ќе служи како доказ дека лицето е вакцинирано, или дека има негативен резултат од неодамнешно тестирање, или пак има природен имунитет по оздравувањето од ковид-19.

„Многу е едноставно. Всушност, тоа се оние информации кои на државата ѝ требаат да ги прими патниците без наметнување дополнителни ограничувања“, кажа Мицотакис.

Грција на туризмот базира петтина од својата економија. Во 2020 година имала само седум милиони туристи и четири милијарди евра приход од туризмот, во однос на рекордните 33 милиони посетители и 18 милијарди евра приход во 2019. Оваа година се очекува бројот на пристигнувања да достигне 50 отсто од бројките во 2019.

Легенда под Главна слика

EPA-EFE

Западот може да му послужи на остатокот од светот како изложба на ужасни и очигледно неуспешни идеи, меѓу кои се и комунизмот, фашизмот, нацизмот, феминизмот, анархизмот и, во последно време, либерализмот.

повеќе

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе