Грчките острови ќе бидат поврзани со копното со хидроавиони

Грчката авиокомпанија „Ер сиплејнс" најави дека во септември ќе воведе летови со хидроавиони, поврзувајќи ги островите со копното, откако на пристаништата за прв пат им е дозволено да работат со овој вид на транспорт по повеќегодишни бирократски одложувања.

Во почетната фаза, флотата ќе вклучува три хидроавиони со 19 седишта, кои ќе летаат од пристаништа на Јонското Море, а со тек на времето нивниот број треба да се зголеми.

Хидроавионите можат да функционираат како надополнување на другите превозни средства, вклучувајќи траекти и стандардни авиони, а исто така можат да се користат за чартер летови, медицински превоз и услуги за превоз на товар, истакна Ројтерс.

Грција има крајбрежје долго 16.000 километри и е идеално за хидроавиони. Превозниците би можеле да го подобрат пристапот до многу туристички дестинации и слабо поврзани острови, што би го зајакнало туризмот.

Грчки „Ер сиплејнс“ соопшти дека со летовите ќе се пополни празнината и подобро ќе ги поврзат островите и копното. Деловниот план на компанијата предвидува комбинирана флота од сопствени и изнајмени хидроавиони, цената на еден авион е околу 7 милиони долари.

Компанијата соопшти дека планира да го прошири бизнисот паралелно со лиценцирање на повеќе пристаништа на Киклади, Крит, островите Споради и Додеканези и други во северниот дел на Егејско Море.

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе

ДУИ, која по конфликтот го вееше албанското црвено - црно знаме, потоа синото, на следните избори ќе го вее зеленото.

повеќе