Грчките граници остануваат затворени до средината на декември

Грција поради пандемијата на коронавирусот ја продолжи забраната за влез на државјани на трети земји до 14 декември. Одлуката стапува на сила вечерва од полноќ.

EPA-EFE

Одлуката на грчката влада на државјаните на трети земји, освен државите од Европската Унија и Шенген зоната, да им се забрани влез во Грција за да се намали ширењето на заразата со коронавирусот, е продолжена до 14 декември.

За туристите и странските државјани за кои не постои забрана овозможен е влез на грчка територија само преку Бугарија, односно преку грчко-бугарскиот премин Промахонас-Кулата и тоа со негативен тест за ковид-19 не постар од 72 часа. Останатите гранични премини, како Евзони со Македонија, Какавија со Албанија и Кипи со Турција, остануваат отворени само за одредена категорија и тоа исто така со негативен ПЦР тест.

Забраната не важи за грчките државјани, за лицата кои имаат дозвола за престој во Грција, за лицата кои живеат во Грција, за влез на лица поради неопходни професионални или медицински причини кои имаат специјални документи, како и за возилата кои од Косово преку Македонија влегуваат во Грција кои припаѓаат на дипломатскиот, воен и административен персонал на земјите членки на ЕУ.

Од забраната се изземени државјаните на земјите членки на ЕУ, на Шенген зоната, како и државјаните на Австралија, Јапонија, Нов Зеланд, Руанда, Јужна Кореја, Тајланд, Уругвај, Обединетите Арапски Емирати и Сингапур.

Легенда под Главна слика

EPA-EFE

Структурното насилство кон трансродовите и родово небинарните луѓе е препрека во нивното реализирање како полноправни членови на општеството.

повеќе

И сега вие замислете, на едно детенце од 6 години да му кажувате со авторитет на наставник дека не треба да се дефинира како машко или женско.

повеќе

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе