Грчкиот премиер: Азилантите заминаа од турско-грчката граница поради коронавирусот (ВИДЕО)

Грчкиот премиер Киријакос Мицотакис денес кажа дека емигрантите што од почетокот на март беа на копнената граница меѓу Грција и Турција си заминале од таму и се засолниле од пандемијата на коронавирусот.

„Изгледа дека е демонтиран логорот поставен на 1 март и оние кои беа во пограничното подрачје на реката Марица си заминале“, кажа Мицотакис.

Турскиот министер за внатрешни работи Сулејман Сојлу изјави вчера дека 4.600 емигранти сѐ уште се наоѓаат во близина на пограничниот премин Пазаркуле (Кастаниес од грчката страна).

Вчера вечерта азилантите биле со автобуси префрлени во соодветно сместување во Турција, каде што ќе бидат во двонеделен карантин поради можната зараза со вирусот.

Евакуацијата била спроведена на барање на емигрантите, наведува турската агенција ДХА која истакнува дека турските власти потоа го размонтирале логорот Пазаркуле.

Грчката државна телевизија ЕРД јави дека турската полиција во текот на ноќта го запалила празниот логор по евакуацијата на емигрантите. На снимката објавена денес од грчката влада се гледа оган вдолж границата.

Грчкиот премиер истакна дека грчките војници и полицајци ќе останат на тој премин и дека оградата вдолж границата ќе биде засилена.

„Едно поглавје можеби е завршено, но борбата продолжува“, изјави Мицотакис.

„Во Кастаниес остануваат луѓето и техниката кои ќе гарантираат заштита на границата за никој да не може да ги уценува Европа и Грција како што некои се обидоа“, истакна тој.

Турција на 29 февруари објави дека повеќе нема да ги спречува емигрантите на патот кон Европа и илјадници азиланти се собраа во Пазаркуле, во обид да влезат во Грција.

Атина тогаш побара и доби помош од ЕУ за да ги спречи азилантите да ја минат границата.

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе