Граничниот ѕид ќе ги спасеше таткото и ќерката имигранти што се удавија во Рио Гранде, тврди Трамп

Имигрантите татко и ќерка што се удавија во Рио Гранде додека се обидуваа да влезат во САД ќе беа одвратени и на крај спасени ако граничниот ѕид веќе беше изграден, тврди Доналд Трамп.

„Ако ги креневме ѕидовите и ако беа цврсти, таткото и прекрасната ќерка што се удавија... ако мислеа дека е тешко да се влезе, немаше да дојдат. Толку многу животи ќе беа спасени“, рече американскиот претседател вчера на прес-конференцијата по повод завршувањето на самитот на Г20 во Осака, Јапонија.

Трамп рече дека потресната фотографија на која таткото и ќерката лежат мртви во водата со лицата надолу го илустрира погрешниот став на неговите политички ривали за американската граница со Мексико.

За време на прес-конференцијата во Јапонија, Трамп инсистираше дека е „многу нефер“ што оние што сакаат законски да емигрираат во САД мора да чекаат со години, додека илегалните имигранти најчесто се пречекувани со раширени раце.

Трамп ја продолжува битката со демократите околу неговиот план за изградба на ѕид вдолж границата меѓу САД и Мексико.

Планот се соочува и со судски пречки. Федерален судија во петокот пресуди дека на Белата куќа ѝ е забрането да користи 2,5 милијарди американски долари воени средства за да финансира приоритетни делови од граничниот ѕид во Калифорнија, Аризона и Ново Мексико. Трамп ја опиша таа одлука како „срамна“ и вети дека ќе поднесе жалба.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе