Градот Њујорк ги прекина сите зделки со Организацијата Трамп, му секна 17 милиони годишно

Градоначалникот Бил де Блазио рече дека Њујорк ќе ги поништи договорите со Организацијата Трамп, кои ѝ носат 17 милиони долари годишно.

„Градот Њујорк не соработува со бунтовници. Преземаме чекори да ги РАСКИНЕМЕ договорите со Организацијата Трамп“, напиша Де Блазио на Твитер.

New York City doesn’t do business with insurrectionists.

We’re taking steps to TERMINATE agreements with the Trump Organization to operate the Central Park Carousel, Wollman and Lasker skating rinks, and the Ferry Point Golf Course.

— Mayor Bill de Blasio (@NYCMayor) January 13, 2021

„Ако компанијата и нејзиното раководство се занимаваат со криминал, имаме право да го откажеме договорот“, изјави градоначалникот за МСНБЦ.

„Поттикнувањето бунт против американската влада е очигледна криминална активност“, додаде тој. „Значи, Њујорк повеќе не сака да има никаква врска со Организацијата Трамп.“

Организацијата Трамп заработува околу 17 милиони долари од управување две лизгалишта, рингишпил и терен за голф во јавните паркови во Њујорк, објави неодамна Вашингтон пост.