Градот на светлината во мрак, 120.000 домаќинства во Париз останаа без струја

Околу 120.000 домаќинства во Париз останаа без струја поради дефект на електричен трансформатор на електродистрибутерот Енедис, соопшти Одделот за пренос на електрична енергија (РТЕ).

Фото: ЕПА

„Синоќа околу 22:15 часот снема струја во третиот, четвртиот и петтиот арондисман на Париз. Дефектот е саниран околу 23 часот и дистрибуцијата на електрична енергија продолжи нормално“, напиша службата за односи со јавноста на РТЕ во објавата на социјалната мрежа Твитер, пренесува Ројтерс.

Портпаролката на компанијата Енедис изјави за Ројтерс дека дефект на трансформаторот предизвикал прекин во преносот на електрична енергија. Таа додаде дека грешката не е поврзана со најавената „вежба за намалување на оптоварувањето со електрична енергија“ што ќе ја спроведат денеска Енедис и РТЕ за да се подготват за можни контролирани прекини на снабдувањето со електрична енергија поради недостиг на пазарот.

Француските ресорни министри претходно предупредија на можни прекини на електричната енергија, доколку дојде до недостиг од електрична енергија на пазарот, кои, како што рекоа, нема да траат подолго од два часа и ќе бидат однапред објавени.

Легенда под Главна слика

Фото: ЕПА

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе