Грција

Големо невреме на Халкидики, шест лица загинаа (ВИДЕО)

Во силното невреме што синоќа ја зафати северна Грција, шест лица го загубија животот на Халкидики, 30 лица биле спасени од домови и автомобили, а 20 се префрлени во болница, потврдуваат од грчката противпожарна служба, јави дописничката на МИА од Атина.

Грчките медиуми објавија дека петмина од загинатите се од Романија, Чешка и Русија, а животите ги загубиле во Неа Плагија, Созополи и Потидеа на Халкидики.

Според истите информации, 54-годишна Романка загинала кога врз неа се урнал кров од таверна, во Созополи во невремето бил превртен автомобил-приколка и животот го загубиле двајца туристи од Чешка, а во Потидеа дрво паднало врз 39-годишен Русин и неговиот двегодишен син.

За шестата жртва, која им подлегнала на повредите на пат кон болница, нема дополнителни информации.

Десетици лица се повредени, од кои четири се во критична состојба, а се трага по уште неколкумина исчезнати.

Надлежните служби добиле околу 600 повици за помош. Повеќе области од Халкидики останале без струја, додека отежнато е движењето по патиштата поради паднатите дрвја. Нанесена е и значителна материјална штета.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе