Гнил нафтен танкер би можел без вода да остави осум милиони луѓе

Влијанието на излевањето на нафта во Црвеното Море од танкер кој гние во водата би можело да биде далеку поголемо отколку што се предвидуваше, при што осум милиони луѓе би изгубиле пристап до вода.

EPA-EFE

Во тек се преговори за истоварување на проценетите 1,1 милиони барели сирова нафта кои остануваат на бродот ФСО Сафер. Бродот содржи четири пати поголемо количество нафта од онаа која Екон Валдез ја испушти во Заливот на Алјаска во 1989 година, а излевањето се смета за сè поверојатно.

Нафтата ќе се рашири надвор од Јемен и ќе предизвика огромна штета по животната средина во Саудиска Арабија, Еритреја и Џибути, според најновите проценки.

Тристраните преговори меѓу бунтовниците Хути, владата на Јемен и ОН ослабеа, и покрај бројните предупредувања. Функционерите на ОН не успеале да добијат гаранции за одржување на бродот, вклучувајќи го изгниениот труп, кој сега го надгледува само седумчлениот екипаж.

Излевањето веројатно ќе доведе до затворање на пристаништата во Црвеното Море во рок од две недели. Цените на горивата ќе пораснат за дури 80 отсто, а недостигот од гориво за пумпите за вода ќе доведе до тоа осум милиони Јеменци да останат без вода. Дури два милиони луѓе ќе изгубат пристап до вода ако погоните во регионот бидат загадени. Иако се очекува половина од нафтата да испари на морето во рок од 24 часа, остатокот во рок од шест до 10 дена ќе стигне до западниот брег на Јемен.

Излевање би загрозило 66 до 85 отсто од јеменскиот риболов во Црвеното Море во рок од една недела, а 93 до 100 отсто од тој риболов во рок од три недели.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе