„Епидемиолошката ситуација е влошена“

Главниот српски епидемиолог: Нема друга алтернатива освен вонредна состојба

Српскиот епидемиолог Предраг Кон изјави денес дека освен воведување вонредна состојба нема друга алтернатива, иако таквата мерка би била „економски удар“, бидејќи најважно е да се заштитат животите.

EPA-EFE

„Единствено мерка на целосно спречување на контактите ќе донесе резултати’, кажа Кон за РТС.

Тој додаде дека мерките донесени минатиот викенд не биле она што го барал медицинскиот дел на владиниот кризен штаб.

„Ние баравме да биде затворено сè освен прехранбените објекти, бензинските пумпи и аптеките. Тоа е потребно за да се прекине синџирот на пренесување на вирусот“, кажа тој. Предупреди и дека епидемиолошката ситуација дополнително ја влошува и новиот сој на коронавирусот кој „дошол и во Србија“.

„Интересно е што не сакаме да слушаме што се случува во другите држави, британскиот сој на коронавирусот поефикасно ќе се пренесува. Тој сè уште не доминира, но порастот на бројот на заразените ќе го покаже неговото присуство“, кажа Кон.

„На овој начин е загрозена вакцинацијата, луѓето од црвената зона сега работат и на вакцинацијата, исцрпеноста е огромна, и тоа мора да се сопре“, напомена тој.

Коментирајќи ја гужвата во ски-центрите во Србија, Кон кажа дека медицинскиот дел на кризниот штаб предупредил пред зимскиот распуст на тоа дека ски-центрите не треба да бидат пополнети повеќе од 30 отсто.

Кон предупреди дека граѓаните на Србија треба да сфатат дека коронавирусот е смртоносна болест и дека „не е игра“.

„Ако не станеме посериозни, ќе пукнеме“, кажа Кон.

Легенда под Главна слика

EPA-EFE

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе