Главната научничка на СЗО: Да не се паничи околу појавата на омикрон, прерано е за заклучоци

Главната научничка на Светската здравствена организација (СЗО) Соумја Сваминатан ги повика луѓето да не паничат поради појавата на варијантата омикрон и наведе дека е прерано да се носат заклучоци за новиот сој.

EPA-EFE

Во интервју за Ројтерс, Сваминатан кажа дека е невозможно да се предвиди дали омикрон ќе стане доминантен сој на коронавирусот.

„Треба да бидеме во готовност и да бидеме внимателни, но не и да паничиме бидејќи сме во поинаква ситуација отколку пред една година“, кажа таа.

„Делта сочинува 99 отсто од заразите во светот. Оваа варијанта би можела да биде позаразна за да ја надмине делтата и да стане доминантна во светот. Тоа е можно, но не може да се предвиди“, истакна Сваминатан.

„Мораме да причекаме, се надеваме дека е послаба, но прерано е да носиме заклучоци за сојот во целина“, додаде таа.

Таа најави дека СЗО следната недела ќе свика глобална група експерти за да се одредат приоритетите за истражувањето на омикрон.

На прашањето за потенцијалната потреба за вакцинација со бустер доза против коронавирусот еднаш годишно, наведе дека СЗО е подготвена за сите сценарија.

Речиси 264 милиони луѓе се заразиле со коронавирусот, а 5,48 милиони луѓе починале од појавувањето на вирусот во Кина на крајот на 2019 година, според податоците на Ројтерс.

Стапките на вакцинација се разликуваат од земја до земја, но уверливо се најмали во сиромашните земји.

Голем број научници наведуваат дека ширењето на вирусот може да се сопре ако на сиромашните земји им се обезбеди пристап до вакцините, наместо да им се даваат бустер дози на луѓето во богатите земји.

Легенда под Главна слика

EPA-EFE

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе