Црногорскиот претседател

Ѓукановиќ: САД силно нѐ поддржуваа

Вашингтон во најголема мера им пружи силна поддршка на стратегиските одлуки на Црна Гора, порача претседателот Мило Ѓукановиќ.

Подрршката дошла за одлуките со кои Црна Гора го трасирала курсот на демократски развој и европскиот и евроатлантскиот пат.

Тој ова го истакна на приемот по повод одбележувањето на Денот на независноста на САД 4 јули, во американската амбасада во Подгорица.

Во долгото обраќање, Ѓукановиќ зборуваше за историските врски на Црна Гора и САД, и порача дека токму на тие цврсти темели во последните децении било градено силното партнерство на двете земји.

Потсети дека САД биле меѓу првите земји кои ги признаа резултатите од референдумот за независност во 2006 година, а набрзо потоа беа воспоставени дипломатски односи.

Пресудна била, како што кажа, и поддршката од САД во исполнувањето на високите стандарди во процесот на евроатлантската интеграција која ја квалификувала Црна Гора за членство во НАТО пред две години, ја зацврстило важноста на историскиот чин на обнова на државноста, и отворило нова перспектива за развојот на црногорското општество.

„Тој однос продолжува и денес во Алијансата, вклучувајќи ги мировните мисии од Авганистан до Косово. Одговорите на современите предизвици и закани ги бараме заедно, рамноправно делејќи го товарот, без оглед на големината и капацитетите. Пред сѐ преку НАТО, во кој Америка има водечка улога и специјална одговорност за чување на евроатлантизмот“, наведе Ѓукановиќ.

Тој порача дека официјална Подгорица останува посветен промотер на западните вредности, фокусирани на достигнување на стандардите на демократските општества, на зачувување на мултиетничноста и мултикултурноста на заедницата, и унапредување на квалитетот на животот на граѓаните, што Црна Гора ќе ја квалификува да биде првата следна членка на ЕУ кога за тоа ќе се создадат услови.

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе