Ѓукановиќ: Големосрпскиот национализам повторно ја нападна Црна Гора

Големосрпскиот национализам повторна ја нападна Црна Гора, погрешно читајќи ги пораките од минатогодишните парламентарни избори, изјави црногорскиот претседател Мило Ѓукановиќ. Ѓукановиќ истакна дека Црна Гора покажа дека вистинските вредности може да се бранат и од опозиција.

EPA-EFE

“Големосрпските националисти оваа година ги скршија забите на Црна Гора и допрва ќе ги скршат“, порача Ѓукановиќ, пренесува РТЦГ.

На прашањето како го доживеал дочекот на црногорскиот премиер Здравко Кривокапиќ во Белград, тој оцени дека станува збор за „поголем срам за домаќинот отколку за гостинот“.

“Тоа е непочитување на химната, знамето, почесната гарда и на самата Србија. Да се дозволи таков начин на дочекување висок државен гостин од која било земја е сериозен фаул“, смета Ѓукановиќ.

Коментирајќи ја ситуацијата во регионот, тој оцени дека сите влошувања на политичките и на безбедносните состојби, како и затворањето на европската перспектива, најдрастично се преломуваат преку Босна и Херцеговина.

“Пропуштени се 26 години со имплементација на Дејтонскиот договор да се обезбедат претпоставки за функционалност на Босна и Херцеговина“, рече Ѓукановиќ.

Тој истакна дека, поради разни компромиси што се правени на штета на БиХ, дојде до обновување и засилување на национализмите.

“Големодржавните национализми што ја загрозија БиХ не се погребени, иако доживеаја пораз. Беше претеран оптимизам верувањето дека тие идеи се погребени“, рече Ѓукановиќ.

Според неговите зборови, домашните националисти искористија многу неконзистентности во политиката на меѓународната заедница.

“Го чекаа своето време, посакуваа заострување на односите, го прославуваа наводното јакнење на Русија на меѓународната сцена, иако сметам дека е зајакнат само нејзиниот деструктивен потенцијал“, оцени Ѓукановиќ.

Покрај констатацијата дека руската деструктивна политика многу се размавта спрема Западен Балкан, претседателот на Црна Гора додаде дека мисли дека тоа не е само деструктивна туку и автодеструктивна политика.

На прашањето дали е можна војна во БиХ тој кажа дека не би исклучил ниедно сценарио.

“Веќе со години предупредувам дека Европска Унија и НАТО една соба во европската куќа им препуштија на други, што не е неодговорно само спрема Балканот туку и спрема Европа и НАТО“, наведе Ѓукановиќ.

Европската Унија, како што кажа тој, спрема Балканот се однесува како спрема регион во кој европските вредности се подразбираат.

“Тука има голема борба за промоција на европските вредности што отвори простор за ретроградни политики. Кога би успеал проектот на великосрпскиот национализам, би дошло до нови конфигурации“, рече Ѓукановиќ.

Легенда под Главна слика

EPA-EFE

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе