Ѓукановиќ го одби барањето за отповикување седум нему политички блиски амбасадори

Претседателот на Црна Гора Мило Ѓукановиќ кажа дека нема да го потпише указот за отповикување седум амбасадори, кој претходно го донесе црногорската влада, продолжувајќи да ги блокира одлуките на новото владејачко мнозинство.

EPA-EFE

Ѓукановиќ во објаснувањето се повика на членот 95 од црногорскиот устав кој предвидува претседателот на Црна Гора да ги именува и разрешува амбасадорите и шефовите на другите дипломатски претставништва, на предлог на владата и со мислење на одборот на собранието.

„Уважувајќи ја важноста на надворешната политика на Црна Гора, составот на амбасадорите, основната функција која ја врши претседателот на Црна Гора во делот на поставувањето и отповикувањето амбасадори, уставот на Црна Гора и законот за надворешни работи, оценувам дека не се стекнати условите за донесување на указот за отповикување“, наведе Ѓукановиќ во соопштението.

Црногорската влада претходно одлучи да повлече седум амбасадори политички блиски до Демократската партија на социјалистите на Ѓукановиќ – амбасадорите во Кина, Србија, Обединетите Арапски Емирати, Италија, Босна и Херцеговина, Германија и Ватикан.

Ѓукановиќ минатата недела одби да ги потпише и измените за законот за црквите, донесени под притисок на Српската православна црква.

Токму усвојувањето на тој закон и протестите кои ги организираше СПЦ, тврдејќи дека неговата цел е одземање на имотот на верската организација во Црна Гора, беше причината за првиот изборен пораз на Ѓукановиќ на парламентарните избори на 30 август минатата година.

Легенда под Главна слика

EPA-EFE

Богатите држави мораат веднаш да донираат вакцини против ковид-19 на загрозените држави. 

повеќе

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе