Франк-Волтер Штајнмаер

Германскиот претседател: Не смееме Русија да ја нарекуваме непријател, многу работи се доведуваат во ризик

Претседателот на Германија, Франк-Волтер Штајнмаер, предупреди дека не треба да се демонизира Русија, потсетувајќи дека Германија поради историјата има посебна улога во одржувањето на дијалогот со Москва.

Во интервјуто објавено во неделата во неделникот Билд ам зонтаг Штајнмаер изрази загриженост во врска со саботниот напад на САД, Велика Британија и Франција во Сирија, кој, според него, првпат сериозно го зголемил ризикот од директен судир меѓу руските и американските воени сили.

„Ова е уште еден чекор во ескалацијата на односите меѓу Русија и САД“, изјави Штајнмаер, кој должноста министер за надворешни работи на Германија ја вршеше два пати.

Воздушните напади врз Сирија, чија цел беше уништување на наводните сириски објекти за хемиско оружје, уште повеќе ги зголемија тензиите меѓу Западот и Москва. Тензијата меѓу двете земји е на едно ново ниво во постстуденовоениот период по протерувањето на повеќе од 130 руски дипломати во знак на одмазда за нападот врз руски шпион во Велика Британија, за кој Западот ја обвини Русија.

Сирискиот режим негира дека употребил хемиско оружје против цивили, а Русија негира дека стои зад нападот со нервен агенс врз поранешен руски агент и неговата ќерка.

Штајнмаер вели дека доказите јасно предупредуваат на руска вмешаност, која „е алармантна“, но притоа додава: „И галопирачкото оддалечување меѓу Русија и Западот треба да нè загрижи, поради последиците што далеку го надминуваат овој случај. Всушност, исчезна темелот за каков било вид заемна доверба.“

Штајнмаер ги повика германските политичари да ја остават отворена вратата за дијалог со Русија и да избегнуваат да ги нарекуваат Русија и нејзиниот народ непријатели.

„Без оглед на рускиот претседател Путин, не можеме цела Русија, целата земја и нејзиниот народ да ги прогласуваме за непријатели. Историја зборува против таквиот став и многу работи се доведуваат во ризик“, рече германскиот претседател.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе