Германски велт: Русија сака воена база во Република Српска

Русија сака воена база во Република Српска. НАТО првенствено смета на Албанија, Косово и Хрватска, пишува Велт.

Русија на Србија ѝ испорача триесетина оклопни возила БРДМ-2 и модернизирани тенкови Т-72, јавува дописникот на Велт, Борис Калноки, кој тоа го смета за опасно. „Србија се потпира на Русија, земја која во Украина покажа решителност преку вооружено насилство да ја прошири својата зона на влијание“, наведува тој.

Тој забележува дека Србија, како руски сојузник, за време на диктаторот Слободан Милошевиќ водела војни против Хрватска и Косово, а во босанската војна им помагала на тамошните Срби.

„Особено заканувачка звучи најавата од српската влада дека ќе го нападне Косово ако покрене своја војска. Приштинскиот парламент минатиот декември донесе одлука за формирање војска, што е причината за српското вооружување“, се неведува.

Поновите членки на ЕУ спроведуваат модернизација на застарената воена опрема, а особено се истакнува примерот на Полска.

Варшава го подигна воениот буџет на 12 милијарди долари годишно и е една од ретките членки на НАТО која издвојува два проценти од БДП за одбрана.

Воените буџети на Унгарија и Романија драстично се зголемени, а Хрватска сака што поскоро да ги купи американските авиони Ф-16 за да ги замени застарените МИГ 21.

Во текстот се наведува дека Србите се економски послаби од членките на ЕУ во регионот и од таа причина Москва практично им поклонува оружје по цена од 185 милиони долари.

„Србија, исто така, добива шест борбени авиони од типот МИГ 29, Белорусија даде осум од нив, а последната достава беше во февруари годинава. Кога модернизацијата ќе заврши, Србија ќе ги има најсилните воздушни сили во регионот“, пишува Калноки.

Исто така, се наведува дека оваа трка за вооружување е поврзана со политички конфликти. Во Србија за царинската унија на Албанија и Косово се зборува како за обид за создавање „Голема Албанија“.

Спомената е и заедничката идеја на српскиот претседател Александар Вучиќ и косовскиот претседател Хашим Тачи за т.н. размена на територии. „Ова би можело да доведе до домино ефект - да речеме, поделба на БиХ со анексија на нејзините српски и хрватски делови кон матичните земји Србија и Хрватска, па дури и до распад на Македонија, каде што живеат многу Албанци“, наведува Велт.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе