Германски чувар уапсен зашто ги поздравил израелските спортисти со нацистичкиот поздрав

Германски чувар е уапсен откако салутирал со нацистички поздрав пред група израелски спортисти што го посетиле споменикот на жртвите од масакрот на Олимписките игри во Минхен во 1972 година, соопшти денеска полицијата.

Фото: ЕПА

Шеснаесет израелски спортисти, учесници на Европското првенство во атлетика, синоќа биле во Олимпискиот парк во Минхен кога тоа се случило, се наведува во полициското соопштение, пренесе Франс прес.

Еден од четворицата присутни чувари бил забележан околу 19:20 часот како поздравува со националсоцијалистичкиот, забранет поздрав на Хитлер.

Полицијата веднаш го уапсила 19-годишникот од Берлин и му бил забранет понатамошен пристап на првенството.

Израелските спортисти, сепак, не го ни забележале гестот, соопшти полицијата.

Чуварот е уапсен во деликатно време кога Минхен е домаќин на Европското првенство во атлетика, пред 50-годишнината од масакрот на Олимпијадата во кој беа убиени 11 Израелци.

На 5 септември 1972 година, осум вооружени мажи се уфрлија во Олимпиското село и влегоа во станот на израелскиот тим, убија двајца спортисти и зедоа девет заложници, заканувајќи им се дека ќе ги убијат доколку Израел не ослободи 232 палестински затвореници.

Западногерманската полиција организираше спасувачка операција, која не успеа, и сите заложници загинаа.

Убиени беа и еден германски полицаец и пет члена на палестинската екстремистичка организација „Црн септември“, кои ги киднапираа спортистите.

Во меѓувреме, палестинскиот претседател Махмуд Абас дополнително ја зголеми тензијата кога за време на посетата на Берлин во вторникот не го осуди масакрот, туку злосторствата извршени врз Палестинците ги спореди со холокаустот.

На заедничката прес-конференција со германскиот канцелар Олаф Шолц, Абас беше прашан дали ќе се извини за масакрот.

Абас не одговори директно, туку ја спореди со ситуацијата на палестинските територии, обвинувајќи го Израел за „50 масакри, 50 холокаусти“ врз Палестинците од 1947 година.

Денеска тој ја повлече изјавата, која наиде на остри меѓународни критики и беше објавено дека Абас имал намера само да ги истакне израелските злосторства, пренесоа израелските медиуми.

Легенда под Главна слика

Фото: ЕПА

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе

Од општи формулации кон конкретни разговори.

повеќе

„Вчерашниот ден измина, утрешниот допрва доаѓа, го имаме само денес - да започнеме“.

повеќе