Германската државна телевизија: Во Хрватска владее очај (ВИДЕО)

Германскиот јавен телевизиски сервис ЗДФ емитуваше шестминутен прилог за Хрватска, со наслов „Очај на Јадранот“.

EPA-EFE

Во него се истакнува дека во Хрватска едвај има туристи и дека за многумина кои работат во туристичкиот сектор тоа е голем финансиски удар, пренесува хрватски Индекс.

„Така изгледа кризата во Хрватска“, вели новинарката на ЗДФ додека на снимката има глета од сто јахти за изнајмување и чартер пловења, а кои стојат врзани за брегот. „Недостасуваат патниците“, се истакнува во прилогот.

ЗДФ разговарале со Ивак Ракуљиќ, капетан на една од тие јахти, кој вели дека веќе три месеци се обидува да смисли начин како неговата јахта повторно да биде профитабилна. „Тешко е“, вели тој и раскажува како секој ден му се јавува неговиот екипаж и му се жалат дека повеќе немаат од што да живеат па се надеваат дека јахтата набрзо ќе исплови со гости.

Во видеото има и глетки од, за ова време некарактеристично празните сплитски Рива и стар град, а во прилогот се истакнува дека оваа година во пристаништето не влегуваат крузери. „Масовниот туризам го нема. Тоа е катастрофа за целата земја“, наведува ЗДФ и додава дека во Сплит се чувствува атмосфера на очај.

Од друга страна, новинарите на германскиот јавен сервис нашле и некои германски туристи во Сплит, на кои им се допаѓа тоа што нема гужва и што е сѐ поевтино. „Сега насекаде е хепи аур“, вели едниот, додека другиот истакнува дека „му е жал за Хрватите бидејќи гледа дека ништо не заработуваат“.

Легенда под Главна слика

EPA-EFE

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе