Германија го прекина одобрувањето на Северен тек 2

Германскиот регулатор го прекина процесот на одобрување на гасоводот Северен тек 2.

EPA-EFE

Подружницата која ќе управува со германскиот дел на Северен тек 2 не ги исполнува условите да биде „независен оператор на преносот“, соопшти денес германскиот регулатор.

Германската Федерална агенција за енергетски мрежи, Бундеснецагентура, соопшти денес дека е „прекината процедурата за сертификација на компанијата Северен тек 2 АГ како независен трансмисиски оператор“ за гас, поради организациски и правни прашања.

„По темелната анализа на документацијата, Бундеснецагентура заклучи дека сертифицирањето на операторот на гасоводот Северен тек 2 ќе биде можно само ако организациската форма на тој оператор е во согласност со германскиот закон“, се наведува во соопштението.

Понатаму се додава дека компанијата Северен тек 2 АГ со седиште во Цуг, Швајцарија, „одлучила да не го трансформира својот постоечки организациски облик, туку да основа подружница според германскиот закон исклучиво за управување со германскиот дел на гасоводот“.

„Таа подружница ќе стане сопственик и оператор на германскиот дел на гасоводот, и тогаш таа мора да ги исполни барањата кои за независен трансмисиски оператор ги предвидува германскиот закон за енергетска индустрија“, наведе германскиот регулатор.

Германската агенција соопшти дека „процедурата за сертификација ќе остане суспендирана додека главните средства и човечки ресурси не бидат префрлени на подружницата, кога Бундеснецагентура ќе може да провери дали е поднесена целата документација на подружницата како нов поднесувач на барање“.

Легенда под Главна слика

EPA-EFE

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе