„Понудената помош ќе биде исплатена врз доброволна основа“

Германија ги одби барањата на две племиња во Намибија за отштета за масакр од колонијалната ера

Германските власти го одбија барањето на две племиња од Намибија за отштета за масакр од колонијалната ера и додадоа дека понудената помош од 1,1 милијарди евра ќе биде исплатена на доброволна основа.

EPA-EFE

Властите, кои неодамна масакрот го означија како геноцид, наведоа дека усвоија текст со кој сметаат дека се завршени преговорите со Намибија почнати во 2015.

„Сметаме дека текстот кој го парафиравме претставува добра основа за конечно затворање на преговорите“, изјави шефот на германската дипломатија Хеико Мас во обраќањето на долниот дом на парламентот Бундестагот.

Текстот на договорот кој беше претставен и усвоен во мај беше мета на критики во Намибија, бидејќи некои функционери оценија дека договорениот паричен надомест не е доволен.

„Договорот е склучен исклучиво на доброволна основа и не постои правна основа за плаќање“, кажа Мас и додаде дека признавањето на геноцидот не отвора пат кон правно барање за отштета.

Според текстот склучен во мај со властите на Намибија, Германија се обврза дека во текот на 30 години ќе пружи развојна помош во износ од 1,1 милијарда евра, што би требало да им биде од корист на двете племиња.

Договорот уште треба да го усвојат парламентите на двете земји, а предвидува и официјално извинување на Германија.

Околу 60.000 припадници на племето Хереро и 10.000 припадници на племето Нама биле убиени од 1904 до 1908, бидејќи се побуниле против Германците, кои локалното население го подложиле на строг режим.

Легенда под Главна слика

EPA-EFE

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе