Германија би можела да ја стави Турција на листата на опасни земји

Германската влада размислува за можноста да ја стави Турција на листата на земји кои претставуваат висок ризик за агентите на разузнавачките служби, полициските и воените службеници, јавија синоќа весникот Зидојче цајтунг и две германски телевизии.

Извештајот доаѓа во време на засилени тензии меѓу двата НАТО партнери и изјавата на германскиот министер за надворешни работи Зигмар Габриел за неопходноста од ограничување на продажбата на оружје на Турција, на што се спротивстави канцеларката Ангела Меркел со изговор дека тоа би ѝ наштетило на заедничката борба против Исламска држава.

Зидојче цајтунг и телевизиите ВДР и НДР ја пренесоа изјавата на портпаролот на германското министерство за внатрешни работи кој кажа дека листата во моментот е под ревизија.

„Во рамки на оваа постапка, министерството за внатрешни работи размислува дали ќе ја додаде Турција на таа листа“, кажа портпаролот. На таа листа во моментов се наоѓаат Кина, Русија, Пакистан, Северна Кореја и уште 26 земји.

Некои германски разузнавачки служби кои ја сметаат Турција повеќе за непријател отколку за партнер повикаа на проширување на разузнавачкиот надзор на активностите на земјата против исламистичките групи, истакнуваат германските медиуми.

Тоа е нашата политичка наивност- да се верува дека правото е семоќно орудие во разрешавањето на сите проблеми. А каде е моралната, политичката, социјалната, психолошката страна на проблемите? 

повеќе

Премолчувањето на јавнот интерес во законските решенијазначи изостувањето на клучниот критериум за оправданоста на концесиите на добрата од општ интерес.

повеќе

Фатени на дело во многу  кражби, сите праведни граѓани на оваа земја беа убедени дека на арамиите ќе им се суди по примерот на Жан - по кратка  постапка.

повеќе