Германец во Швајцарија возел 249 км/ч, би можел со години да биде во затвор

Еден германски државјанин е фатен во Швајцарија како вози со брзина од 249 км/ч на место каде што е дозволено да се вози 120 км/ч и сега, покрај паричната казна и одземањето на возачката дозвола, му се заканува и затворска казна, јавуваат германски медиуми.

34-годишниот Германец, кој живее во близина на Базел, во неделата на автопатот А7 во близина на Боденското Езеро возел 249 км/ч со автомобил сеат леон СТ.

Полицијата на лице место на германскиот државјанин му ја одземала возачката дозвола и му го запленила автомобилот, а него го притворила. Пребрзото возење во Швајцарија се третира како кривично дело а не како прекршок и се предвидени затворски казни во траење од една до четири години.

Во Швајцарија висината на паричната казна зависи од приходите на извршителот.

Во 2014 година германски државјанин беше фатен со брзина од 200 км/ч во тунелот Готхард, по што беше осуден на 30 месеци затвор.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе