Германците велат дека ќе донираат 75 милиони дози вакцини за посиромашните земји

Новата германска влада има намера следната година да донира најмалку 75 милиони дози вакцини против коронавирус на посиромашните земји. Министерката за развој Свења Шулце за новинскиот сервис Редакционснецвеарк Дојчланд изјави дека целта од 100 милиони донирани дози за оваа година е постигната.

Фото: ЕПА

„Но, не смееме да застанеме на ова. Следната година имаме намера да донираме уште најмалку 75 милиони дози“, рече Шулце. Таа се согласи со министерот за здравство Карл Лаутербах дека оваа донација не треба да биде на сметка на вакцинацијата на германските граѓани. Таа додаде дека ќе успее да го снабди и сопственото население и посиромашните земји.

„Ефектите од пандемијата во овие земји се навистина брутални. Насилството врз жените е во пораст, има повеќе прекршувања на човековите права. Она на што сме сведоци сега е драматично“, рече таа. Сепак, Шулце ги отфрли долготрајните повици да се отстрани патентната заштита за производителите на вакцини.

„Би била отворена за тоа доколку тоа сега би ни било од помош. Но, процесот на производство на модерните вакцини е технички толку тежок и сложен што суспензијата воопшто не би помогнала“, рече таа.

Она што е потребно, рече Шулце, е производство на глобално ниво во соработка со производителите. Таа додаде дека Германија помага да се обучат специјалисти за планираната фабрика за производство на вакцини на Бионтек во Руанда.

Легенда под Главна слика

Фото: ЕПА

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе