Србија воздржана

Генералното собрание на ОН усвои резолуција за руско плаќање отштета на Украина

Генералното собрание на Обединетите нации изгласа синоќа резолуција со која Русија би се сметала за одговорна за кршење на меѓународното право поради нападот на Украина, поради што би требало да плати воена отштета. Резолуциите на ГС на ОН не се обврзувачки.

EPA-EFE

Од 193 членки на Обединетите нации, 94 гласаа за резолуцијата, 14 беа против, додека 73 земји беа воздржани, меѓу кои и Србија. Сите останати земји од Западниот Балкан, вклучувајќи ја Македонија, гласаа за усвојување на резолуцијата.

Ова беше најниско ниво на поддршка на гласање за резолуција од сите пет резолуции кои се однесуваат на Украина и кои ги усвои Генералното собрание од почетокот на руската воена операција.

Со резолуцијата се предлага 193 држави членки на Генералното собрание на ОН, во соработка со Украина, да формираат „меѓународен регистар“ во кој би се документирале тврдењата и информациите за штетите, загубите и повредите кои Русија им ги нанела на Украинците и нивната влада, наведува АП.

„Западните земји се обидуваат, со помош на Генералното собрание на ОН, да им дадат некаков привид на легитимитет на обидите за присвојување на замрзнатиот руски имот“, порача заменикот на постојаниот претставник на Русија во ОН Дмитриј Полјански.

Легенда под Главна слика

EPA-EFE

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе