Французите гневни: Австралија ни заби нож во грбот

Безбедносното партнерство на САД со Австралија и Британија во зоната на Индо-Пацификот, кое вклучува испорака на подморници на нуклеарен погон на Австралија, е дочекано со критики од Кина, но и од западните сојузници како Франција.

EPA-EFE

Новиот пакт наречен Аукус се доживува како обид овие земји дека се здружат против сè поголемото јакнење на Кина, но неговата прва конкретна последица е раскинување на договорот кој Австралија претходно го склучи со Франција за испорака на конвенционални подморници, што предизвика негодување на Париз, пренесува Би-би-си.

Кина денес објави дека овој договор го смета за крајно неодговорен, а портпаролот на министерството за надворешни работи Зао Лиџијан кажа дека тој сериозно го нарушува регионалниот мир и стабилноста и ја засилува трката во вооружување. Кинеската амбасада во Вашингтон исто така реагираше и им порача на Вашингтон, Лондон и Канбера да се ослободат од менталитетот на Студената војна и идеолошките предрасуди.

Новиот пак, исто така, отвори спор со Франција, која сега изгуби договор со Австралија за изградба на 12 подморници.

„Тоа е навистина нож во грбот“, го коментираше францускиот министер за надворешни работи Жан Ил Ле Дријан овој договор за радиото Франс инфо.

Новото партнерство на трите земји најавено синоќа на заедничка видео-конференција за новинарите на американскиот претседател Џо Бајден, британскиот премиер Борис Џонсон и австралискиот премиер Скот Морисон.

Австралија преку договорот ќе ја добие првата нуклеарна подморница во рамки на партнерството за безбедност, кое овозможува трите земји да разменуваат информации и технологија во повеќе области, вклучувајќи вештачка интелигенција, сајбер просторот, подводни системи и капацитетите за напади со долг дострел.

Канбера во 2016 година ја избра француската Навал груп, за стратегиско партнерство вредно 40 милијарди евра за изградба на нова подморничка флота планирана да ги замени нејзините повеќе од две децении стари подморници „Колинс“, што претставуваше една од најголемите одбранбени зделки во светот.

Легенда под Главна слика

EPA-EFE

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе