Франција вџашена од снимка од ученик како ѝ се заканува на професорка со „пиштол“ (ВИДЕО)

Видео снимка на која се гледа како ученик во француско средно училиште ѝ се заканува на професорка со лажен „пиштол“ ја шокираше франција, пренесува Раша тудеј. Веднаш почнаа да се поставуваат прашања за зачестеноста на таквите инцидентите и како на тоа реагираат властите.

Снимката која стана вирална, првично се појави на Снепчет, и покажува училница во училиште во париското преградие Кретеј. Момче стои среде училницата и ѝ се заканува на професорката со објект кој личи на пиштол, и бара од неа да напише „присутен“ а не „отсутен“ на листата на присутни ученици. Во позадина има друг ученик кој прави безобразни гестикулации кон камерата.

Француските медиуми јавија дека „пиштолот“ бил играчка, односно со него не можела да биде повредена професорката. И покрај вџашувачката ситуација, професроката изгледа невознемирено, како да не е првпат ова да ѝ се случува.

По инцидентот професорката поднела жалба против двајца 16-годишни ученици кои биле приведени, според француските медиуми. Ученикот кој ги прави безобразните гестикулации бил набрзо пуштен на слобода, додека главниот насилник е во притвор и денес се појавил пред судија за малолетници.

Снимката предизвика реакции на социјалните мрежи, и луѓето поставуваат прашања за казнување на учениците, дали реакцијата на професорката е соодветна и како треба да реагираат властите.

Францускиот претседател Емануел Макрон го нарече инцидентот „неприфатлив“ и побара од министрите за внатрешни работи и образование да се справат со случајот.

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе