Франција поради Бразил се заканува со блокада на трговскиот договор на ЕУ и Јужна Америка

Францускиот претседател Емануел Макрон оцени дека неговиот бразилски колега Жаир Болсонаро лажел за своите обврски во врска со заштитата на животната средина и кажа дека Франција е против спорниот трговски договор на ЕУ и Меркосур, против кој, како што се закани, ќе гласа и Ирска.

Европската Унија денес исто така почна да врши притисок врз Болсонаро поради пожарите кои ја пустошат Амазонија.

„Имајќи го предвид однесувањето на Бразил во последните недели, претседателот на Републиката може само да заклучи дека претседателот Болсонаро лажел на самитот (Г20) во Осака“, соопшти Елисејската палата и оцени дека „претседателот Болсонаро реи да не ги почитува своите климатски обврски и обврските од областа на биодиверзитетот“.

„Франција во овие околности е против договорот со Меркосур (блокот јужноамерикански земји) во ваква форма“, се додава во соопштението.

Ирска денес исто така се закани дека ќе гласа против договорот за слободна трговија кој ЕУ го потпиша со земјите од Меркосур (Бразил, Аргенитина, Уругвај и Парагвај) доколу Бразил не ја заштити Амазонската прашума која во моментов ја пустошат пожари.

„Ирска сигурно нема да гласа за договорот на ЕУ и Меркосур за слободна трговија доколку Бразил не ги почитува своите обврски околу заштитата на животната средина“, изјави ирскиот премиер Лео Варадкар.

„Исклучително сум загрижен поради досега најтешките последици на пожатите во Амазонската прашума“, кажа тој.

Ирската закана доаѓа додека по Амазонија се шират шумски пожари кои повлекоа дипломатски последици и мобилизација на климатските активисти.

Договорот на ЕУ и Меркосур за слободна трговија беше потпишан на крајот на јуни по дваесет години преговарање. Опфаќа пазар со 780 милиони потрошувачи или четврт од светското богатство.

Финска, која претседава со ЕУ во овие шест месеци, сугерираше да се донесе забрана за увоз на бразилско говедско месо. Премиерот Анти Рине кажа дека „пожарите се закана за целата планета, не само за Бразил или Јужна Америка“.

Групите за заштита на животната средина сметаат дека расчистувањето на шумите е причината за големите пожари во Амазонија и го обвинуваат десничарскиот бразилски претседател за ублажувањето на правилата за заштита на Амазонската прашума која е клучна за борбата против климатските промени.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе