Франција и Австралија согласни дека подморниците не го нарушуваат трговскиот договор

Француските и австралиските власти денеска порачаа дека огорченоста на Париз од раскинувањето на договорот за купување подморници нема да ги наруши преговорите за договорот за слободна трговија меѓу Австралија и Европската Унија.

Фото: ЕПА

Франција ги повлече своите амбасадори во САД и Австралија, откако американскиот претседател Џозеф Бајден минатата недела објави нов сојуз за стратешко партнерство меѓу Америка, Велика Британија и Австралија, што ќе ѝ испорача најмалку осум подморници со нуклеарен погон на австралиската флота.

Со тој договор е раскинат договорот вреден 90 милијарди австралиски долари (56 милијарди евра) за купување на 12 конвенционални дизел и електрични подморници од Навал груп, во мнозинско државно сопствеништво на Франција.

Францускиот амбасадор во Австралија Жан-Пјер Тибо ги демантираше медиумските извештаи дека Франција лобира во Европската Унија да не го потпише трговскиот договор со Австралија, за кој се преговара од 2018 година.

„Во оваа фаза, преговорите продолжуваат и постои голем интерес... Австралија да има договор за слободна трговија со ЕУ“, рече Тибо.

Австралискиот министер за трговија Дан Техан рече дека за неколку недели ќе отпатува за Париз за да разговара со својот француски колега Франк Ристер.

Техан рече дека неговата посета на Брисел во април покажала дека постои „силно разбирање за разговорите за договор за слободна трговија со ЕУ, што е во заеднички интерес и на Австралија и на Европа“.

Францускиот претседател Емануел Макрон ќе разговара со Бајден во наредните денови за прв пат од избувнувањето на дипломатската криза.

Австралискиот премиер Скот Морисон денеска отпатува во Соединетите Држави за да се сретне со Бајден и лидерите на Индија и Јапонија, кои ја сочинуваат таканаречената група „Квад“ (квадрилатерален безбедносен дијалог).

Групата Квад е основана во средината на 2000 година за да се спротивстави на зголеменото кинеско влијание во регионот.

Легенда под Главна слика

Фото: ЕПА

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе