Формирана е нова германска десничарска партија што како лого користи нацистички симбол

Германскиот политичар, Андре Погенбург коj ја напушти екстремно десничарската германска политичка партија Алтернатива за Германија (АфД) формираше нова партија со лого што се користело како таен знак од страна на австриските нацисти во 1930-тите години на минатиот век, пишува Фокс њуз.

Андре Погенбург минатата година поднесе оставка од функцијата на регионален шеф на АфД во источната покраина Саксонија-Анхалт, откако Турците ги нарече „возачи на камили“, а имигрантите со двојно државјанство „банда на бездомници кои веќе не сакаме да ги имаме (тука)“.

Андре Погенбург често е опишан како екстремен десничар поради неговата силна анти-муслиманска и анти-имиграциска реторика, со која освои речиси четвртина од гласовите во Саксонија-Анхалт во 2016 година.

Тој ја напушти партијата претходната година, критикувајќи ја АфД дека премногу се грижи за тоа дека германската разузнавачка служба ќе почне да ја следи партијата.

Неговата нова партија Будење на германските патриоти (АдП) ќе користи плав цвет од пченка како позадина на германското знаме. Плавиот цвет е познат симбол на омразата.

Во соседна Австрија, плавиот цвет беше поврзан со анти-семитското движење Шоенерер и бил користен како таен знак од страна на симпатизерите на фашизмот.

Погенбург изјави за германската новинска агенција ДПА дека не сака неговата нова партија на било кој начин директно да се натпреварува со АфД.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе