Фон дер Лајен: Русите мора да платат, планираме специјален суд (ВИДЕО)

Европската унија, со поддршка на ОН, ќе се обиде да формира суд посветен на истрагите и судењата на руските воени злосторства извршени во војната во Украина, изјави денеска претседателката на Европската комисија, Урсула фон дер Лајен.

Фото: ЕПА

„Руската инвазија на Украина донесе смрт, уништување и незамисливо страдање. Сите се сеќаваме на ужасите во Буча. Се проценува дека во војната досега се убиени повеќе од 20.000 цивили и повеќе од 100.000 припадници на украинската армија“, рече Фон дер Лајен.

„Русија мора да плати за своите страшни злосторства, вклучително и злосторството агресија врз суверена држава. Поради оваа причина, иако сè уште го поддржуваме формирањето на меѓународен суд, предлагаме формирање на специјален суд кој ќе ги поддржи ОН и ќе ги истражи и казни руските злосторства на агресија“, додаде таа.

„Подготвени сме да работиме со меѓународната заедница за да добиеме најголема можна меѓународна поддршка за формирањето на тој специјален суд. Русија, исто така, мора и финансиски да плати за уништувањето што го предизвика. Се проценува дека Украина претрпе штета од околу 600 милијарди евра. Русија и нејзините олигарси мора да ја надоместат штетата на Украина и трошоците за обновата на земјата“, рече шефицата на ЕК во видео обраќањето.

„Ужасните злосторства на Русија не смеат да останат неказнето“, рече Фон дер Лајен. Русија негира убиство на цивили и извршување на воени злосторства и покрај убедливите докази за масакрот во Буча. Украинскиот претседател Зеленски изјави дека само за време на окупацијата на Херсон биле извршени повеќе од 400 воени злосторства.

Легенда под Главна слика

Фото: ЕПА

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе