Фејсбук најавува 10.000 работни места во ЕУ, планира да изгради метаверзум

Фејсбук, гигантот на социјалните мрежи, вчера објави дека ќе создаде 10.000 висококвалификувани работни места во Европската унија во следните пет години со цел изградба на т.н. метаверзум.

Фото: ЕПА

Компанијата соработува со други на развој на „нова фаза на меѓусебно поврзаните виртуелни искуства со користење технологии како виртуелна и проширена реалност“, или метаверзум, соопшти раководителот на Фејсбук за политики и јавни работи Ник Клег.

„Метаверзумот има потенцијал да помогне да се отвори пристап до нови креативни, социјални и економски можности. И Европејците ќе го обликуваат од самиот почеток“, додаде тој.

Клег, поранешен британски вицепремиер, рече дека инвестицијата е „глас за доверба во силата на европската технолошка индустрија“ и нагласи дека Европа е „исклучително важна за Фејсбук“.

„Освен со технолошките таленти во развојот, ЕУ исто така има важна улога во формирањето на нови интернет правила. Европските креатори на политики се водечки во настојувањето европските вредности, како што се слободата на изразувањето, приватноста, транспарентноста и правата на поединците, да се вградат во секојдневното работење на интернетот“, се вели во соопштението.

Американската компанија е под меѓународен притисок.

Поранешната продукт менаџерка на Фејсбук Френсис Хоген го обвини поранешниот работодавец на почетокот на октомври, меѓу другото, дека не е доволно транспарентен во однос на потенцијалната штета.

Фејсбук одговори дека интернет мрежата секојдневно се обидува да најде рамнотежа помеѓу правата на милијарди луѓе за слободата на изразување и безбедната средина за корисниците.

Фејсбук неодамна заврши на насловните страници, исто така, поради грешка во системот што доведе до пад на Фејсбук, Ватсап и Инстаграм на околу шест часа.

Легенда под Главна слика

Фото: ЕПА

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе