Водечкиот американски експерт

Фаучи: Ќе треба уште време за вакцина против коронавирусот

Ентони Фаучи, водечкиот експерт на Соединетите Американски Држави, денес го предупреди Конгресот дека за развојот и излегувањето на пазарот на вакцината против коронавирусот „ќе треба уште некое време“ без оглед на помошта на сојузната влада во нејзиното производство.

Фаучи на сенатскиот одбор за здравство му кажа дека, имајќи го предвид тој факт, напорите на нацијата во борбата против вирусот ковид-19 и болеста што ја предизвикува, би требало да бидат „фокусирани на докажаната јавноздравствена пракса на ограничување и ублажување“ на ширењето на заразата.

Фаучи предупреди дека пребрзото отворање и попуштање на ограничувањата на економските активности би можело да доведе до нов бран на епидемијата и ги повика сојузните држави да ги следат стручните препораки и да го чекаат падот на бројот на новозаразените случаи.

„Ако ги прескокнеме контролните точки, ризикуваме повеќекратни повторни избивања на заразата низ целата земја“, порача тој.

Претседателот Доналд Трамп ги поттикнува сојузните држави на придвижување на економијата.

„Тоа нема да резултра само со непотребно патење и смртни случаи, туку всушност ќе нѐ врати назад на патот на врачање во нормална состојба“, кажа Фаучи, директор на американскиот Национален институт за алергии и заразни болести.

Фаучи денес сведочи пред сенатскиот одбор за здравје, образование, труд и пензии, кој го контролираат републиканците, а претходно Белата куќа го блокираше сведочењето на 79-годишниот експерт пред комсија на Претставничкиот дом, надгледувана од демократите, оценувајќи дека тоа би било „контрапродуктивно“.

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе

ДУИ, која по конфликтот го вееше албанското црвено - црно знаме, потоа синото, на следните избори ќе го вее зеленото.

повеќе