Главниот американски епидемиолог

Фаучи: Британските здравствени регулатори не ги проучиле податоците од истражувањата толку внимателно

Британските здравствени регулатори кои ја одобрија вакцината на Бајонтек и Фајзер против ковид-19 не ги проучиле податоците од истражувањата толку внимателно, тврди Ентони Фаучи.

EPA-EFE

Фаучи, кој е водечки американски епидемиолог, вели дека Британија не била толку внимателна во истражувањето како што тоа го прави американската Дирекција за храна и лекови (ФДА) во својот преглед.

„Начинот на кој ФДА тоа го прави е правилниот начин“, кажа Фаучи за Фокс њуз.

„Навистина внимателно ги проверуваме податоците за да можеме на американската јавност да ѝ гарантираме дека ова е многу безбедна и ефикасна вакцина“, кажа тој.

Тој изрази стравување дека во спротивно би „придонеле на веќе постоечката колебливост на многу луѓе да ја примат вакцината бидејќи се загрижени околу безбедноста или загрижени околу тоа што пребрзо сме почнале со вакцинирање“, пренесува Си-ен-ен.

Фаучи истакна дека е важно Американците да имаат позитивно чувство кон потенцијалната вакцина за ковид-19.

„Ние имаме златен стандард на регулаторниот пристап на ФДА. Британија тоа не го направи толку внимателно и ги забрзаа работи за неколку дена“, кажа тој.

Фаучи, сепак, додаде дека не мисли дека има голема разлика и дека многу наскоро САД ќе бидат на зададената цел.

Легенда под Главна слика

EPA-EFE

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе