Фараж: Датумот за брегзит повторно ќе се помести

Датумот за излез на Велика Британија од Европската унија повторно ќе биде одложен затоа што парламентот ќе го отфрли обидот на Џонсон да склучи нов договор со ЕУ, изјави лидерот на брегзитерската партија Најџел Фараж.

Фараж, водачот на кампањата за брегзит, рече дека напуштањето на ЕУ на 31 октомври сега е под знак прашалник бидејќи политичката елита во Лондон се договара со ЕУ да ја измами волјата на гласачите, кои на референдумот во 2016 година одлучија да ја напуштат Унијата.

Тој додаде дека во Велика Британија владее најголемата поделеност, уште од Англиската граѓанска војна од 17 век и дека Џонсон ризикува да ја уништи Конзервативната партија, бидејќи сака повторно да го заживее неуспешниот договор на неговата претходничка Тереза Меј со ЕУ.

„На самитот на ЕУ, што ќе се одржи на 17 и 18 октомври, ќе добие нешто од ЕУ и Борис тоа ќе го претстави пред парламентот пред 31 октомври и, претпоставувам, договорот нема да помине“, рече Фараж во интервју за Ројтерс.

„Значи, ние нема да излеземе на 31 октомври и тогаш навистина сме во неистражени води - дали парламентот ќе наметне нов референдум или ќе имаме избори, навистина не знам“, заклучи Фараж.

Ајде од понеделник да се посветиме сериозно на „носење на Европа" во нашата држава.

повеќе

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе