Фајзер вети дека испораката на нарачаните вакцини ќе биде на време

Претседателката на Европската комисија Урсула фон дер Лајен кажа дека во денешниот разговор со извршниот директор на Фајзер, Алберт Борул, добила уверувања дека сите нарани дози од вакцината за првиот квартал ќе бидат испорачани на време и покрај моментални застои поради надградбата на производниот погон на Фајзер за Европа.

EPA-EFE

Многу држави членки на ЕУ тврдат дека добиле помали пратки од вакцината против ковид-19 од очекуваните и на интерните состаноци негодуваат околу неизвесноста околу испораката на идните пратки.

„Ме увери дека лично ќе се позанимава со овој случај за што е можно побрзо да се надомести во моментов постоечкиот застој во производството. Му ја пренесов важната порака дека нам ни се итно потребни нарачаните дози за првиот квартал“, кажа Фон дер Лајен.

Претседателката на Европската комисија, која заедно со еврокомесарите е во работна посета на Португалија, наведе дека првите вакцини на Бајонтек/Фајзер веќе им се дадени на граѓаните низ ЕУ, а дека ревакцинацијата мора да се спроведе по четири недели.

„Постои и медицинска потреба да се придржуваме на она што е договорено со испораките“, кажа таа.

Претходно денес Фајзер ја известил ЕУ дека поради модификациите во погонот во европското седиште на компанијата во Пурс, Белгија, кое треба наместо 1,3 милијарди дози да се „надгради“ за две милијарди дози годишно, нема целосно да го исполни веќе ветениот обем на испорака во следните три до четири недели.

Вакцината која ја разви германската компанија Бајонтек а ја произведува американскиот фармацевтски џин Фајзер почна да се дистрибуира во ЕУ на крајот на декември.

Меѓутоа, третина од 27-те земји членки на ЕУ се жалат дека не добиле доволно дози од вакцината, што можело да се слушне на видео-конференцијата на министрите за здравство која се одржа во средата.

Многу земји реагираа и поради неизвесните рокови на испорака на идните пратки на вакцината.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе