Европската федерација на новинари: Засрамете се премиеру Рама

Европската федерација на новинари ја осуди постапката на албанскиот премиер Еди Рама кој, како што наведуваат, ги игнорирал прашањата на новинари од Косово.

EPA-EFE

Тоа се случило за време на заедничката прес-конференција со германската канцеларка Ангела Меркел во Тирана.

„Засрамете се премиеру Еди Рама за тоа што намерно ги игнориравте прашањата на косовските новинари. Европската федерација на новинари ја осудува ваквата невидена сегрегација“, порача генералниот секретар на Федерацијата Рикардо Гутиерез на Твитер.

Покрај тоа ја сподели веста од албанскиот портал Егзит њуз, во која се наведува дека Рама одбил да одговара на прашања на новинари од Косово за време на заедничката конференција со Меркел.

Се наведува дека новинар на приштинскиот Клан Косова пренел дека новинари од шест медиуми од Косово безуспешно чекале 40 минути да добијат шанса да постават прашање.

Тој истакна дека сите новинари биле акредитирани и лично се појавиле на конференцијата.

Егзит њуз ги пренесе тврдењата на новинарите дека не им било овозможено да им постават прашања ни на Рама ни на Меркел. На снимката која новинарот на Клан Косова ја објави на Фејсбук се гледа како новинарите седат со кренати раце чекајќи да постават прашање.

Легенда под Главна слика

EPA-EFE

Kога веќе треба да се држи комбинирана настава, колку и да е комплицирана таа „равенка“, во неа не смее да се забораваат децата кои учат онлајн.

повеќе

Под менторство на овој истраен истражувач, научник и педагог, се развивале и се формирале многумина трудбеници и афирматори на македонското културно наследство.

повеќе

Ковидот нема да нѐ победи. Да зборуваме за раст и развој, за подобар и забрзан раст, за паметен и зелен развој.

повеќе