„НЕ СМЕЕ ДА СЕ КОНСУМИРА“

Европол откри мрежа на шверц на коњско месо, 65 уапсени

Европската полициска агенција Европол соопшти дека открила голема мрежа на шверц на коњско месо по истрагата спроведена во Шпанија.

Европол додава дека во шверцот биле вклучени осум земји, а организаторот бил уапсен во Белгија.

Уапсени се 65 лица, против кои се поднесени кривични пријави за злоупотреба на животни, лажни производи, перење пари и членство во криминална група, се вели во соопштението на Европол.

Истрагата почнала во 2016 година во Шпанија по откривањето сомнителни активности во врска со пазарот на коњско месо.

Шпанската полиција во април почна операција против шверц на коњско месо што не било за исхрана на луѓето.

Весникот Паис пренесе дека операцијата особено се однесувала на холандскиот брокер Јан Фасен, под истрага во Франција поради скандал во врска со продажба на замрзнати лазањи со мелено коњско месо што не било за исхрана на луѓето. Оваа афера погоди неколку европски земји во 2013 година.

Европол денеска изјави дека е приведен холандски бизнисмен поврзан со другиот Холанѓанец уапсен во Белгија, за кој се верува дека бил организатор на шверцот.

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе

Жените имаат повеќе тешкотии од мажите да најдат значајна и добро платена работа, а процентот на жени во глобалната работна сила постојано заостанува зад процентот на мажите. 

повеќе