Ево Моралес слета во Аргентина откако доби азил

Поранешниот претседател на Боливија, прогонетиот Ево Моралес, слета во соседна Аргентина, каде што доби азил од нејзините нови левичарски водачи. Ова може уште повеќе да ја вознемири екстремно десничарската администрација на Бразил.

„Само што пристигна. Дојде за да остане“, им рече денеска на новинарите министерот за надворешни работи на Аргентина, Фелипе Сола.

Сола рече дека Моралес побарал статус на бегалец и го припиша неговото доаѓање на фактот дека „тој се чувствува подобро тука отколку во Мексико“, каде што првиот домороден претседател на Боливија првично побара засолниште откако ја напушти својата земја на 11 ноември.

Набргу потоа, Моралес на Твитер објави: „Пред еден месец, кога пристигнав во Мексико, нашата сестринска земја што ми го спаси животот, бев тажен и скршен. Сега, кога дојдов во Аргентина, за да продолжам да се борам за најсиромашните... се чувствувам силно и енергично. Благодарност до Мексико и Аргентина за целата ваша поддршка и солидарност“.

Некои набљудувачи се сомневаат дека одлуката на Моралес да остане блиску до Боливија се должи на желбата да направи политички камбек во земјата со која управуваше скоро 14 години од 2006 година.

Моралес нема да биде кандидат на новите претседателски избори, кои се очекува да се одржат во почетокот на следната година.

Но во неделата неговата партија, Движење кон социјализмот (Мас), го прогласи за шеф на кампањата, посочувајќи дека се надева дека ќе остане вклучен во боливиската политика.

„Благодарам што не ме напуштивте. Секогаш ќе бидам со вас “, твитна Моралес по оваа одлука.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе